O'ZBEKISTON DAVLAT MUZEYI BINOSI
Toshkent shahri, Olmazor tumani Zarqaynar ko’chasi, 1-uy.
Birinchi qavat:
To‘liq doimiy ekspozitsiya uchun foydalaniladi, 4314 dona eksponatlar joy olgan.
Kirish: Dushanba-Juma 1000-1700
Shanba-Yakshanba 1000-1600
Ikkinchi qavat:
Xonalar va sahnali holdan iborat. Muzeyning ma’muriy boshqaruvi hamda mutaxassis va ilmiy xodimlari xizmat faoliyatini olib borishi uchun foydalaniladi, shu bilan birga hol qismida doimiy ravishda madaniy-ma’rifiy tadbirlar, konsert dasturlari va ko‘rgazmalar o‘tkazib boriladi.
Ikkinchi qavatdagi maxsus xonada muzey fondining bir qismi saqlanadi.
Uchinchi qavat:
To‘liq holda muzey fondiga kiruvchi ashyo va kolleksiyalarni saqlash uchun foydalaniladi.
Hol qismida tasviriy san’at asarlari galereyasi tashkil etilgan.
Tasviriy san’at asarlarining joylashuv sxemasi
Yerda hayotning paydo bo‘lishi zali
Ushbu zalda Quyosh tizimining paydo bo‘lishidan to Yer sharida hayotning rivojlanish jarayonlari hamda arxeo-paleontologik eksponatlarni uchratishingiz mumkin. Qolaversa, Mamontning son suyagi, neandertal Teshiktosh bolasi va qoyatosh suratlar muzeyning noyob eksponatlari sirasiga kiradi.
Dunyo hayvonlari zali
Dunyo hayvonlari zalida O‘zbekiston tabiatida uchramaydigan noyob hayvonot olami bilan yaqindan tanishishingiz mumkin. Zal ekspozitsiyasidan Afrika tuyaqushlari, filsimon toshbaqa va shimpanze o‘rin olgan.
Sovuq iqlim hududlarida uchraydigan hayvonlar
Yer sharining shimoliy va janubiy qutblarida sovuq iqlimga moslashgan hayvonlar yashab kelishadi. Aynan sovuq iqlimga moslashgan jonzotlarning eng mashhuri – pingvinlar bilan ushbu zalimizda yaqindan tanishishingiz mumkin.
Suv va botqoqlik qushlari
Suv va botqoqlik qushlari boshqa qushlarga nisbatan o‘z yashash muhiti va jozibasi bilan ajralib turadi. Zal ekspozitsiyasidan kichik turna, suqsun o‘rdaklari, pushtirang saqqoqushi, vishildoq oqqush kabi noyob qush turlarini uchratishingiz mumkin.
O‘zbekistonning turli hududlarida uchraydigan hayvonlar
Ushbu zalda To‘qayzor diorammasi, Tog‘dagi yong‘oqzor va cho‘l hududlarida uchraydigan hayvonlar o‘rin olgan. Ekspozitsiyada Turon yo‘barsi, yovvoyi to‘ng’iz, yumronqoziq, bo‘rsiq, ilonxo‘r burgut, tuvaloq kabi noyob hayvonot olami o‘rin olgan.
Geologiya zali
Geologiya zali ekspozitsiyasidan tog‘ jinslari va minerallar o‘rin olgan. Ushbu eksponatlar muzey tashkil etilgandan buyon uzoq yillar davomida saqlanib va boyitilib kelinmoqda. Ayniqsa, neft namunalari, vulqon jinslari, metall rudalari, cho‘kindi tog‘ jinslari hamda bezakli toshlar tashrif buyurgan tomoshabinlarda katta qiziqish uyg‘otadi.
Entomologiya zali
Entomologiya zali O‘zbekiston davlat tabiat muzeyining eng ko‘p ashyo va kolleksiyalariga ega zal bo‘lib, ular juda noyob va butun dunyoning turli xududlaridan keltirilgan. Ushbu zalda mahalliy va tro‘pik kapalaklar hamda qo‘ng‘izlari, har xil ari va chigirtka turlari joy olgan.
Umumiy biologiya zali
Umumiy biologiya zali ayniqsa ilmiy izlanuvchilar, talabalar, o‘quvchilar va boshqa ilmiy soha vakillaida kata qiziqish uyg‘otadi sababi zalda tabiiy fanlarga aloqador o‘ziga xos eksponatlar joy olgan. Ularning orasidagi eng noyoblari mutatsiyaga uchragan honaki hayvonlar bolalari turlari hamda seleksiya natijasida olingan turli xil zot va navlarga oid eksponatlar va ho‘l preparatlardir.